azatutyun.am Սերբիայում երեկ անցկացված խորհրդարանական արտահերթ ընտրությունների նախնական արդյունքներով` հաղթել է նոր ընդդիմադիր ուժը՝ «Ուսանողական ցուցակը»: Այն ստացել է ձայների ավելի քան 50%-ը և կկարողանա ձևավորել կառավարություն։
Իշխող Սերբական առաջադեմ կուսակցության նախագահ Ալեքսանդր Վուչիչը նույնիսկ նախնական արդյունքների հրապարակումից առաջ է ընդունել պարտությունը։ Վուչիչի ղեկավարած ուժը ստացել է ընտրողների 40.41%-ի ձայնը:
«Մենք դեռ վերջնական արդյունքներ չունենք … բայց պարզ է, որ մենք պարտվել ենք այս ընտրություններում: Հաղթեց բողոքի շարժման մասնակիցների կողմից կազմված ուսանողական ցուցակը։ Նրանք կստանան 135-ից 140 խորհրդարանական մանդատ, մինչդեռ մենք՝ մոտ 105»,- Վուչիչն ասել է իր կողմնակիցներին։
Նրա խոսքով՝ Սերբիական առաջադեմ կուսակցությունը հավաքել է 1 միլիոն 720 հազար ձայն, սակայն դա բավարար չէր հաղթելու համար։
Ընտրություններին մասնակցում էր 18 կուսակցություն, սակայն, ինչպես հայտնում է BBC-ն, դրանցից 15-ը 1%-ից պակաս ձայն է ստացել։ Քվեարկությանն աննախադեպ բարձր մասնակցություն է գրանցվել՝ գրեթե 68%։
Еuronews-ն էլ հաղորդում է, որ դեռ շատ վաղ է գնահատել վերջնական արդյունքները և որոշել, թե արդյոք որևէ այլ փոքր կուսակցություն հաղթահարել 3% ընտրական շեմը, բայց պարզ է, որ դա չի ազդի ընտրությունների վերջնական արդյունքի վրա։
Շարունակությունը՝ սկզբնաղբյուր կայքում
