azatutyun.am «Ազիմուտ» ավիաընկերության՝ Երևանից Միներալնիե Վոդի ուղևորվող ինքնաթիռը տեխնիկական պատճառներով վերադարձել է մեկնման օդանավակայան։ Այս մասին «Ինտերֆաքս»-ին հայտնել են ավիաընկերության մամուլի ծառայությունից՝ հավելելով, որ ուղևորների տեղափոխման համար պատրաստվում է պահուստային ինքնաթիռ:
«Հոկտեմբերի 29-ին Երևան–Միներալնիե Վոդի A46030 չվերթն իրականացնող «Ազիմուտ» ավիաընկերության ինքնաթիռի անձնակազմը տեխնիկական պատճառներով որոշում է կայացրել վերադառնալ մեկնման օդանավակայան։ Մոսկվայի ժամանակով ժամը 14:24 ինքնաթիռը բարեհաջող վայրէջք է կատարել», – հայտնել են «Ազիմուտ»-ի մամուլի ծառայությունից։
Լրատվամիջոցը փոխանցում է, որ ավիաընկերության պահուստային ինքնաթիռն ուղևորներին Երևանից կտեղափոխի նշանակման օդանավակայան։
Շարունակությունը՝ սկզբնաղբյուր կայքում
