factor.am Ազգային ժողովի փոխնախագահ Ռուբեն Ռուբինյանի գնահատմամբ՝ ընդդիմության բարձրացրած հարցերը՝ կապված նոր Սահմանադրության ընդունման և խաղաղության պայմանագրի հետ, լեգիտիմ են, և իշխանությունը պետք է փորձի դրանց պատասխանները ստանալ։ Ռուբինյանն այսպիսի հայտարարություն արեց լրագրողների հետ ճեպազրույցում:
«Մենք համարում ենք նախ, որ լեգիտիմ հարցեր են, և նաև համարում ենք, որ տրամաբանական կլինի փորձել ստանալ այդ հարցերի պատասխանները, որովհետև, ի վերջո, այդ հարցերի պատասխաններից է նաև կախված հետագա զարգացման սցենարները»,– ասաց նա։
Ռուբինյանը խորհրդարանական ընդդիմությանը կոչ արեց չարգելափակել նոր Սահմանադրության տեքստը հանրաքվեի դնելու հնարավորությունը։ Նրա խոսքով՝ եթե ընդդիմությունը համոզված է, որ ժողովուրդը դեմ է այդ տեքստին կամ այն վատն է, պետք է հնարավորություն տա, որ քաղաքացիներն իրենց դիրքորոշումն արտահայտեն։
