shantnews.am ՀԱՊԿ-ի հետ կապված Հայաստանի իշխանությունների հետաքրքրությունները սպառված են։
Այս մասին Կառավարությունում լրագրողների հետ ճեպազրույցի ժամանակ հայտարարել է ՀՀ վարչապետ Նիկոլ Փաշինյանը։
«Ես ցանկանում եմ, որ մենք մեկընդմիշտ արձանագրենք՝ ՀԱՊԿ-ի հետ կապված մեր հետաքրքրությունները սպառված են»,-նշել է Փաշինյանը։
ՀԱՊԿ գլխավոր քարտուղար Թաալաթբեկ Մասադիկովն ավելի վաղ հայտարարել էր, թե Հայաստանին ՀԱՊԿ-ից հեռացնելու հարց չկա, սակայն ՀԱՊԿ խորհրդի առաջիկա նիստում կարող է որոշում ընդունվել Հայաստանի նկատմամբ Կազմակերպության կանոնադրության 25-րդ հոդվածը կիրառելու մասին։ Այդ հոդվածով Հայաստանը կարող է զրկվել քվոտային կարգով ՀԱՊԿ պաշտոններում իր թեկնածուներին առաջադրելու, նաև ձայնի իրավունքից այնքան ժամանակ, մինչև վճարի անդամավճարներից գոյացած պարտքը։
