ՆԳՆ փրկարար ծառայությունը տեղեկացնում է, որ ՀՀ տարածքում ավտոճանապարհներն անցանելի են։
Լոռու մարզի Սպիտակի ոլորաններում տեղում է ձյուն։ Գերատեսչությունից հորդորում են երթևեկել ձմեռային անվադողերով։
Ձյան և ցածր ջերմաստիճանի պատճառով միջազգային նշանակության Մցխեթա–Ստեփանծմինդա–Լարս ավտոճանապարհի 93-րդ կմ – 107-րդ կմ (Գուդաուրի – Կոբի) հատվածում կցորդով և կիսակցորդով տրանսպորտային միջոցների երթևեկությունը ժամանակավորապես արգելված է։ Մյուս բոլոր տեսակի տրանսպորտային միջոցների համար երթևեկությունն ազատ է։ Այս մասին հայտնում են Վրաստանի տարածաշրջանային զարգացման և ենթակառուցվածքների նախարարության ճանապարհների դեպարտամենտից։
Ճանապարհի մնացած հատվածներում երթևեկությունն ազատ է։
