azatutyun.am Նոյեմբերի 7-ի գիշերը ռուսական զորքերը հարվածել են Կիևի Հյուսիսային կամրջին։ Ինչպես հայտնել է քաղաքի քաղաքապետ Վիտալի Կլիչկոն, կամրջով երթևեկությունը երկու ուղղություններով դադարեցվել է։
«Վնասվել են ճանապարհի ծածկը, տրոլեյբուսների կոնտակտային ցանցը և էլեկտրահաղորդման գիծը։ Պայթյունի ալիքից կամրջի մոտ գտնվող կայանատեղիում վնասվել է հինգ բեռնատար», – նշել է քաղաքապետը։
Վերջին տվյալներով՝ Կիևի վրա հարձակումների հետևանքով տուժել է հինգ մարդ, այդ թվում՝ 14-ամյա դեռահաս։ Քաղաքում վնասվել են բազմաբնակարան բնակելի շենքեր, մանկապարտեզ և ոչ բնակելի շինություն։
Կլիչկոյի խոսքով՝ գիշերը հարվածների են ենթարկվել նաև Կիևի և Ժիտոմիրի մարզերի էներգետիկ ենթակառուցվածքները, ինչի հետևանքով մայրաքաղաքի էլեկտրամատակարարման հարցում «չափազանց բարդ իրավիճակ» է ստեղծվել։
Կիևի մարզի Բոգդանովկա գյուղում անօդաչու թռչող սարքը հարվածել է առանձնատան։ Ուկրաինայի արտակարգ իրավիճակների պետական ծառայության հաղորդմամբ՝ փլատակների տակ են հայտնվել ամուսիններ։
Շաբաթ առավոտյան Չեռնիգովի քաղաքային խորհուրդը հայտնել է, որ քաղաքն ամբողջությամբ մնացել է առանց էլեկտրականության։
Շարունակությունը՝ սկզբնաղբյուր կայքում
