Մեղադրանքներն առաջին անգամ ի հայտ են եկել անցած ամսվա վերջին՝ The New York Times-ի հետաքննության մեջ։ Ըստ պարբերականի՝ ԱՄՆ հետախուզական ծառայությունների պաշտոնյաները հետևել են տիկնոջն ու կասկածներ ունեն, որ Պեկինը նրան հավաքագրել է՝ Nvidia-ի գործադիր տնօրենի մասին տեղեկություններ կորզելու և, հնարավոր է, ընկերության՝ Չինաստան չիպերի վաճառքի վրա ազդելու նպատակով։
63-ամյա Ջենսեն Հուանգը հաստատել է, որ սիրային կապ է ունեցել Սինգապուրում գործող ընկերության նախկին ղեկավար Ալիս Հուանգի հետ: Թայվանի և ԱՄՆ-ի երկքաղաքացիություն ունեցող տղամարդը հիմա կասկածվում է օտարերկրյա հետախուզական գործողության թիրախ դառնալու մեջ: Nvidia-ն այսօր հայտարարեց, որ անկախ հետաքննություն է անցկացնում, Ջենսենը պնդում է, թե կողմ է այդ հետաքննությանը, իսկ բազմաթիվ ամերիկացիներ մտահոգ են՝ գուցե ԱՄՆ ազգային անվտանգությունն ու երկրի գաղտնիքները վտանգի տակ են:
Ինչպե՞ս կարող է երկու Հուանգների սիրավեպն ազդել ԱՄՆ-Չինաստան հարաբերությունների և արհեստական բանականության ոլորտում գերիշխանության համար մրցակցության վրա։ Այս հարցն է միջազգային մամուլի թոփ թեման այսօր:
Ալիս Հուանգը Չինաստանի քաղաքացի է և Megaspeed International ընկերության նախկին բարձրաստիճան ղեկավար։ Ընկերությունը տրամադրում է հաշվողական ենթակառուցվածքներ, որոնք օգտագործվում են ԱԲ համակարգերի աշխատանքի և ուսուցման համար։
Ըստ The New York Times-ի՝ Megaspeed-ը դարձել էր Nvidia-ի խոշորագույն գնորդներից մեկը՝ ամերիկյան ընկերությունից ձեռք բերելով շուրջ 4.8 միլիարդ դոլարի սարքավորումներ։
«Ես դավաճանել եմ կնոջս։ Իմ գործողությունները ցավ են պատճառել նրան և մեր երեխաներին։ Իմ արածի համար արդարացում չկա։ Ես խորապես զղջում եմ»,- հայտարարել է Ջենսեն Հուանգը:
Նախագահ Թրամփը պաշտպանել է Հուանգին՝ նրան բնութագրելով որպես «պատվարժան մարդ»։ Ըստ մամուլի, ԱՄՆ անվտանգության պաշտոնյաները Սպիտակ տան ղեկավարին զգուշացրել էին հնարավոր վտանգի մասին, սակայն նա անտեսել էր ահազանգերը։
Շարունակությունը՝ սկզբնաղբյուր կայքում
