Աշխատանքի և բարեկեցության նախարարի տեղակալ Ռոզա Բաբայանն այսօր ընդունել է ՀՀ-ում Արաբական Միացյալ Էմիրությունների դեսպան Նարիման Մուհամմեդ Շարիֆ Ալ Մուլլային, հայտնում են նախարարությունից։
«Հանդիպման ընթացքում քննարկվել են աշխատանքի և բարեկեցության ոլորտում փոխադարձ հետաքրքրություն ներկայացնող մի շարք հարցեր։
Մասնավորապես՝ դիտարկվել են կանանց հիմնահարցերի, սոցիալական ծառայությունների թվայնացման, հաշմանդամություն ունեցող անձանց և երեխաների հիմնահարցերի ոլորտներում համատեղ աշխատանքներ իրականացնելու հնարավորությունները։
Ռոզա Բաբայանն ընդգծել է ԱՄԷ-ի հետ ձևավորված համագործակցության դերը ոլորտային բարեփոխումների և նոր նախաձեռնությունների իրականացման գործում։ Դեսպան Շարիֆ Ալ Մուլլան պատրաստակամություն է հայտնել շարունակել աջակցել ոլորտի զարգացմանն ուղղված նախաձեռնություններին, նպաստել փորձի փոխանակման և փոխադարձ այցերի կազմակերպմանը»,- նշված է հաղորդագրությունում։
