Թբիլիսիում պայթյունից հետո հինգհարկանի շենքի փլատակներից երեք զոհի մարմին է դուրս բերվել | news.am

Թբիլիսիում պայթյունից հետո հինգհարկանի շենքի փլատակներից երեք զոհի մարմին է դուրս բերվել | news.am

news.am Թբիլիսիում փրկարարները հինգհարկանի շենքի փլատակներից, որտեղ նոյեմբերի 19-ի առավոտյան գազի պայթյուն էր տեղի ունեցել, դուրս են բերել երեք զոհի՝ երկու կնոջ և մեկ երեխայի մարմինները, հայտնում է «Նովոստի Գրուզիան»։

Վրաստանի ՆԳՆ արտակարգ իրավիճակների կառավարման ծառայության ղեկավար Թեմուր Մղեբրիշվիլին լրագրողներին հայտնել է, որ աշխատանքները մշտապես ընթանում են, սակայն դրանք բարդանում են փլատակների վիճակի և կրկնակի փլուզման վտանգի պատճառով։

Պայթյունը որոտացել է տեղական ժամանակով 09:00-ի սահմաններում՝ Քվեմո Փոնիճալա բնակավայրի հինգհարկանի շենքում։ Հարվածային ալիքը վնասել է միջհարկային ծածկերն ու տանիքը, ինչպես նաև ավերել մի քանի աստիճանահարթակ։

Նախնական վարկածով՝ պատահարի պատճառ է դարձել հինգերորդ հարկի բնակարաններից մեկում գտնվող ջեռուցիչից կենցաղային գազի արտահոսքը։ Ենթադրվում է, որ բնակարանի սեփականատերը նախորդ օրը երկարատև բացակայությունից հետո տուն էր վերադարձել։

Դատախազությունը քրեական գործ է հարուցել անվտանգության կանոնների խախտման հոդվածով՝ Վրաստանի քրեական օրենսգրքի 240-րդ հոդվածի առաջին մասով։

Շարունակությունը՝ սկզբնաղբյուր կայքում

Նվիրաբերել

Աջակցիր անկախ մեդիային

Եթե գտել եք վրիպակ, ապա այն կարող եք ուղարկել մեզ՝ ընտրելով վրիպակը և սեղմելով CTRL+Enter

Թողնել մեկնաբանություն