armtimes.com: Փոխքաղաքապետ Տիգրան Ավինյանը Երևանի քաղաքապետարանի աշխատակազմի նորանշանակ քարտուղար Շվարշ Գրիգորյանին հանձնարարեց աշխատանքներ տանել Երևան քաղաքում համայնքային ոտիկանության ստեղծման հայեցակարգի ուղղությամբ։
Ըստ փոխքաղաքապետի՝ օրենսդրական փաթեթի փոփոխության կարիք է լինելու և Շավարշ Գրիգորյանին այս հարցում կօգնի փոխքաղաքապետ Սուրեն Գրիգորյանը։
«Մենք ունենք հայեցակարգ մունիցիպիալ ոստիկանության ստեղծման՝ ի շարունակություն պարեկային ծառայության ռեֆորմների և մեր միջազգային գործընկերի հետ աշխատում ենք այդ ուղղությամբ։ Կխնդրեմ, պարոն Գրիգորյան, Դուք ստանձնեք պատասխանատվություն այդ ռեֆորմների իրականացման ուղղությամբ։ Պետք է սկսել քաղաքապետարանի ներսից։ Պարոն Գրիգորյանը ևս ձեզ կհուշի, թե միջազգային գործընկերների հետ ինչ քննարկումներ ունեն այս պահին»,- ասաց փոխքաղաքապետը։
Ավինյանի խոսքով՝ հարցին կարիք կլինի վերադառնալ երկու ամսից ևս։
