azatutyun.am: Մոսկվայի դատարանը մերժեց Wall Street Journal-ի թղթակից Էվան Գերշկովիչին մինչև դատավարությունը կալանքից ազատելու միջնորդությունը։ Նրա խափանման միջոցը չփոխվեց, լրագրողը կմնա կալանքի տակ։

Գերշկովիչը ձերբակալվել է մարտի 29-ին լրտեսության մեղադրանքով ։ Նա մեղադրանքը չի ընդունում։

Ըստ ՌԴ Անվտանգության դաշնային ծառայության հաղորդագրության՝ լրագրողը «ԱՄՆ-ի հանձնարարությամբ պետական գաղտնիք հանդիսացող տեղեկություններ էր հավաքում ռուսական ռազմաարդյունաբերական համալիրի ձեռնարկություններից մեկի մասին»։ 

WSJ-ը կտրականապես հերքել է ԱԴԾ-ի մեղադրանքները և պահանջել անհապաղ ազատ արձակել լրագրողին։ Ավելի քան չորս տասնյակ երկրներ համատեղ ուղերձ են ստորագրել՝ պահանջելով ազատ արձակել Էվան Գերշկովիչին։