tert.am: ԱՄՆ նախագահ Ջո Բայդենը պաշտոնապես հայտարարել է 2024 թվականին նախագահի պաշտոնում առաջադրվելու իր մտադրության մասին։ Այս մասին գրում է bbc.com-ը:
«Ես առաջադրվում եմ Միացյալ Նահանգների նախագահի պաշտոնում վերընտրվելու համար»,-ասել է Բայդենը ապրիլի 25-ին քարոզարշավի կայքում տեղադրված տեսանյութում։
Միևնույն ժամանակ, փոխնախագահ Քամալա Հարիսը հայտարարել է Բայդենի հետ երկրորդ ժամկետի համար առաջադրվելու պատրաստակամության մասին։
Բայդենը նշել է, որ յուրաքանչյուր սերունդ ունենում է պահեր, երբ պետք է պաշտպանի ժողովրդավարությունը, և հիմա եկել է այս պահը։ Այսպես նա բացատրել է Միացյալ Նահանգների նախագահի պաշտոնում վերընտրվելու որոշումը։
