armenpress.am: Թուրքիայի Հաթայ նահանգում 4,7 մագնիտուդ ուժգնությամբ երկրաշարժ է տեղի ունեցել: Այս մասին Twitter-ում հայտնել Է տարերային աղետների հետևանքների վերացման վարչությունը:

Ինչպես հաղորդում է «ՌԻԱ Նովոստի»-ն, գերատեսչության հաղորդագրության համաձայն, երկրաշարժը գրանցվել է Կիրիխանի շրջանում, տեղական ժամանակով ժամը 11.36-ին:

Ստորգետնյա ցնցումների օջախը գտնվել է 7.88 կմ խորության վրա: