tert.am: 2023 թվականի մայիսի 15-ին Ադրբեջանի Հանրապետության արտաքին գործերի նախարար Ջեյհուն Բայրամովը Բրյուսել կատարած այցի ընթացքում հանդիպել է ԵՄ արտաքին գործերի և անվտանգության քաղաքականության հարցերով բարձր ներկայացուցիչ, ԵՄ հանձնաժողովի փոխնախագահ Ժոզեպ Բորելի հետ։

Ադրբեջանի ԱԳՆ-ն հայտնել է, հանդիպմանը կողմերը քննարկել են Ադրբեջանի և Եվրամիության (ԵՄ) համագործակցության ներկա վիճակն ու հեռանկարները, այդ թվում՝ էներգետիկ և տրանսպորտային միջանցքների ոլորտում, Ադրբեջանի և Հայաստանի միջև հարաբերությունների կարգավորման գործընթացը, տարածաշրջանում առկա իրավիճակը։