armeniasputnik.am: Հավաքական անվտանգության պայմանագրի կազմակերպության անդամ պետությունները բավականաչափ ուժ ունեն, որպեսզի չմասնատվեն։ Ինչպես հայտնում է «Բելտան», լրագրողների հետ զրույցում այս հայտարարությունն է արել ՀԱՊԿ գլխավոր քարտուղար Իմանգալի Տասմագամբետովը։
«Իհարկե, մեր ուժեր կբավականացնեն, որպեսզի մեզ չմասնատեն։ Կարևորը դա է»,- ընդգծել է Տասմագամբետովը։Նրա խոսքով` ՀԱՊԿ երկրների համախմբվածության խնդիրն իրականում շատ լուրջ է։
«Աշխարհաքաղաքական իրավիճակը լարված է, և ՀԱՊԿ-ի պատասխանատվության ոլորտում կան բազմաթիվ ճգնաժամային պահեր։ Դա և՛ Հայաստանի ու Ադրբեջանի միջև հակամարտության խնդիրն է, և՛ Ղրղզստանի ու Տաջիկստանի միջև սահմանային հարցերը»,- նշել է կազմակերպության գլխավոր քարտուղարը։
Նշենք, որ ՀԱՊԿ անդամ երկրների ներկայացուցիչները հավաքվել են Մինսկում ՝ մասնակցելու կազմակերպության Խորհրդարանական վեհաժողովի խորհրդի նիստին: Պատվիրակությունների ղեկավարները հանդիպում են ունեցել Բելառուսի նախագահ Ալեքսանդր Լուկաշենկոյի հետ: ՀԱՊԿ-ի կազմում ընդգրկված են Հայաստանը, Բելառուսը, Ղազախստանը, Ղրղզստանը, Ռուսաստանը և Տաջիկստանը:
