azatutyun.am: Կիևում պայթյուն է որոտացել բազմահարկ շենքում։ Այս մասին հաղորդում է Ուկրաինայի արտակարգ իրավիճակների պետական ծառայությունը։

Կիևի քաղաքապետ Վիտալի Կլիչկոն գրել է, որ մասնագետները հետաքննում են հրդեհի պատճառները։ Քաղաքապետի ունեցած նախնական տվյալներով՝ 2 մարդ մահացել է, 2 տուժածներ հոսպիտալացվել են, ևս 2-ին օգնություն է ցուցաբերվել դեպքի վայրում։

Որոնողափրկարարական աշխատանքները շարունակվում են։

Ուկրաինայի ազգային ոստիկանության նախնական վարկածի համաձայն՝ պայթյունի պատճառը գազի արտահոսքն է։