ՌԴ ԱԳՆ-ն հայտարարում է՝ «դավադիրների արկածախնդիր նկրտումներն ուղղված են Ռուսաստանում իրավիճակի ապակայունացմանը, միասնության ոչնչացմանը, միջազգային անվտանգության հուսալի ապահովմանն ուղղված ՌԴ ջանքերին: Ապստամբությունը խաղալիք է Ռուսաստանի արտաքին թշնամիների ձեռքում»:
«Մեր երկրում տեղի ունեցած զինված ապստամբության փորձը ուժեղ դժգոհություն է առաջացնում ռուս հասարակության մեջ, որը վճռականորեն աջակցում է ՌԴ նախագահ Վլադիմիր Պուտինին», – նշել են նախարարությունից։
Բացի այդ, ՌԴ ԱԳՆ-ն զգուշացնում է արևմտյան երկրներին՝ չօգտագործել Ռուսաստանում ստեղծված ներքաղաքական իրավիճակը «ռուսաֆոբ նպատակներին հասնելու համար»։
