ՀՀ վարչապետ Նիկոլ Փաշինյանն աշխատանքային այցով ժամանել է Վրաստան: Այս մասին հայտնել է ՀՀ վարչապետի մամուլի ծառայությունը։
«Բաթումի միջազգային օդանավակայանում ՀՀ վարչապետին դիմավորել է Վրաստանի փոխվարչապետ, Էկոնոմիկայի և կայուն զարգացման նախարար Լևան Դավիթաշվիլին:
Այսօր նախատեսվում է վարչապետ Փաշինյանի և Վրաստանի վարչապետ Իրակլի Ղարիբաշվիլիի հանդիպումը: Նախ երկու երկրների առաջնորդները կունենան առանձնազրույց, այնուհետև տեղի կունենա ընդլայնված կազմերով հանդիպում»,- ասված է հաղորդագրության մեջ:
Ավելի ուշ Նիկոլ Փաշինյանը տեսանյութ է հրապարակել և գրել՝
«Վրաստան կատարած աշխատանքային այցի շրջանակում նախ առանձնազրույց ունեցա իմ գործընկեր Իրակլի Ղարիբաշվիլիի հետ, այնուհետեւ բանակցությունները շարունակեցինք ընդլայնված կազմերով»:
