armeniasputnik.am: ՌԴ ՊՆ-ն հայտնել է, որ այս գիշեր Կուրսկի և Բրյանսկի մարզերը ենթարկվել են ուկրաինական ԱԹՍ-ների հարձակման: Նշվում է, որ հակաօդային պաշտպանության համակարգերը ԱԹՍ-ները հայտնաբերել և ոչնչացրել են։
Կուրսկում անօդաչու թռչող սարքը մխրճվել է բազմաբնակարան շենքի մեջ: Այս մասին Telegram ալիքում իր հերթին հայտնել է մարզպետ Ռոման Ստարովոյտը:
«Նախնական տեղեկությունների համաձայն՝ գիշերը Կուրսկում անօդաչու սարքը բախվել է Կարլ Մարքսի փողոցում գտնվող բազմաբնակարան շենքին։ Որոշ հարկերում ապակիներ են կոտրվել։ Պայթյունի ալիքից տուժել են նաև Կուրսկի պետական համալսարանի ճարտարագիտական ֆակուլտետի մասնաշենքի մի քանի ապակիներ», – գրել է տարածաշրջանի ղեկավարը։
Ստարովոյտը պարզաբանել է, որ ոչ ոք չի տուժել, հրդեհ չկա: Պայթյունի վայրում աշխատում են օպերատիվ ծառայությունները։
