Ադրբեջանի պաշտպանության նախարարությունը դարձյալ ապատեղեկատվություն է տարածել։ Այս մասին հաղորդում են Արցախի պաշտպանության նախարարության մամուլի ծառայությունից։
Արցախյան կողմից նշում են, որ հերթական ապատեղեկատվությունն է Ադրբեջանի ՊՆ հաղորդագրությունը, թե իբր Արցախի ՊԲ ստորաբաժանումները այսօր՝ ժամը 12:30-ի սահմաններում, ամրաշինական աշխատանքներ են կատարել Քարվաճառի ուղղությամբ, ինչն իբր թե կանխվել է ադրբեջանական ԶՈւ գործողությունների արդյունքում։
