Ադրբեջանի Կարմիր մահիկի ընկերության ղեկավարը Նովրուզ Ասլանը հայտնել է, թե ադրբեջանական կողմը այսօր հումանիտար բեռ է ուղարկել դեպի Արցախ՝ Աղդամ-Ստեփանակերտ ճանապարհով։
«Մենք հուսով ենք, որ այս քայլը դրական կընդունվի Խանքենդիում (Ստեփանակերտ) ապրող հայերի և միջազգային հանրության կողմից»,- ասել է Նովրուզ Ասլանը։
Նա պարզաբանել է, որ սկզբնական փուլում կուղարկվի 40 տոննա բեռ, որը կներառի այլուրից պատրաստված ապրանքներ:
Ասլանի խոսքով եթե կարիքների գնահատում լինի, ապա հետագայում հնարավոր է, որ առաքվեն անև նաև այլ անհրաժեշտ ապրանքներ։
Հիշեցնենք, որ երեկ երեկոյան Արցախում տեղի է ունեցել արտահերթ խորհրդարանական նիստ։ Նիստի ավարտից հետո բնակիչների առաջ է դուրս եկել նախագահ Արայիկ Հարությունյանը։ Ի թիվս այլ հարցերի, Արցախի նախագահը ասել է, որ դիտարկում են միայն մեկ ճանապարհ Լաչինի միջանցքը։
Նշենք նաև, որ դեռ հուլիսի 18-ին արցախցիները բետոնե արգելապատնեշներով փակել են Ասկերան-Ակնա(Աղդամ) ճանապարհը՝ ցույց տալու, որ Արցախում կտրականապես դեմ են ադրբեջանական մթերքների ներմուծմանը՝ լինի դա «հումանիտար օգնություն, թե շատ էժան գնով ապրանք։
