tert.am։ ՀՀ ոստիկանության պետ Արման Սարգսյանի հրամանով Ոստիկանության Շիրակի մարզային վարչության պետ Սևակ Քոչարյանն ազատվել է պաշտոնից և Ոստիկանության պետի պաշտոնակատարի մեկ այլ հրամանով նշանակվել Ոստիկանության Կոտայքի մարզային վարչության պետ:
Ինչ վերաբերում է Կոտայքի մարզային վարչության պետի պաշտոնանկության վերաբերյալ հարցին, Էդգար Ջանոյանն ասաց. «Արման Սարգսյանի մեկ այլ հրամանով Ոստիկանության Կոտայքի մարզային վարչության պետ Դավիթ Սարգսյանն ազատվել է այդ պաշտոնից և նշանակվել Ոստիկանության պետական պահպանության գլխավոր վարչության պետ»:
