«Վրաստանի հայ համայնք» հասարակական կազմակերպությունը սեպտեմբերի 17-ին ցույց է անցկացրել Վրաստանի Առաջին հանրային հեռուստաալիքի մոտ՝ բողոքելով Արցախի շուրջ տեղի ունեցող իրադարձությունների անբավարար լուսաբանման դեմ, որից հետո սկսվել 24-ժամյա նստացույց։ Այս մասին հայտնում է Region monitoring տելեգրամյան ալիքը։
Վրաստանի հայ համայնքի հայտարարության մեջ նշվել է․ «Դատապարտում ենք Առաջին հանրային հեռուստաալիքի գլխավոր տնօրենի այցը ժամանակավոր օկուպացված հայկական Շուշի քաղաք, երբ մի քանի կիլոմետր այն կողմ Արցախի 120.000-անոց բնակչությունը Ադրբեջանի բռնապետական ռեժիմի կողմից ենթարկվում է ցեղասպանության։ Դատապարտում ենք հայկական բաժնի ղեկավարի պաշտոնում Ռամիլա Ալիևայի պաշտոնավարումը, ով Ադրբեջանի դիկտատորի ակնհայտ երկրպագուն է»։
