«Ազատազէն» ռազմակրթական հասարակական կազմակերպություն խորհուրդը տարածել է հայտարարություն՝ ՀՀ կառավարությունից պահանջելով հայտարարել ռազմական դրություն․
«Հաշվի առնելով ստեղծված իրավիճակը՝ ՀՀ կառավարությունից պահանջում ենք՝ այսօր մինչև 14:00 հայտարարել ռազմական դրություն, սկսել զորահավաք. պետական և մասնավոր ամբողջ ռեսուրսն ուղղել Արցախի և Արցախում ապրող ՀՀ քաղաքացիների պաշտպանությանը։
Դիմում ենք մեր հայրենակիցներին, ռազմամարզական կառույցների ներկայացուցիչներին այսօր՝ սեպտեմբերի 20-ին ժամը 14:00 հավաքվել Գ. Նժդեհի արձանի մոտ միասին քննարկելու մեր հետագա անելիքները։
Անթույլատրելի ենք համարում ՀՀ ռազմաքաղաքական ղեկավարության այսօրինակ պահվածքը Արցախում հաստատակամորեն պայքարող ՀՀ քաղաքացիների՝ մեր հայրենակիցների հանդեպ:
Սպասում ենք բոլոր մեր հայրենակիցներին, ովքեր հետագա իրադարձությունների դեպքում պատրաստ են նաև զենքով պաշտպանել մեր երկիրն ու քաղաքացիներին»,- ասված է հաղորդագրության մեջ։
