Արցախում գնդակոծության է ենթարկվել ռուս խաղաղապահների ավտոմեքենան, ինչի հետևանքով զինծառայողներ են զոհվել։ Այս մասին հայտնել են ՌԴ ՊՆ-ից։
«Սեպտեմբերի 20-ին Ջանյաթաղ (Ճանկաթաղ) գյուղի տարածքում ռուսական խաղաղապահ կոնտինգենտի դիտակետից վերադառնալիս գնդակոծության է ենթարկվել ռուս զինվորականների մեքենան։ Հրաձգային կրակահերթի հետևանքով մեքենայում գտնվող զինվորականները զոհվել են»,- հայտնել են նրանք։
Ըստ ՊՆ-ի՝ տեղում աշխատում են ՌԴ և Ադրբեջանի քննչական մարմինների ներկայացուցիչները՝ պարզելու դեպքի բոլոր հանգամանքները։
