tert.am: Հայաստանում Եվրամիության քաղաքացիական առաքելության դիտորդները զրուցում են տեղի բնակչության հետ՝ ԵՄ-ին զեկուցելու, թե ինչպես է հակամարտությունն ազդում նրանց առօրյա կյանքի վրա: Այս մասին հայտարարել է Հայաստանում ԵՄ քաղաքացիական առաքելությունն X-ի (նախկին Թվիթեր) իր միկրոբլոգում:
«Մարդկանց անվտանգության պարեկության շրջանակներում ԵՄ առաքելության դիտորդները պարբերաբար զրուցում են տեղի բնակչության հետ, ինչպես օրինակ՝ Նավուր գյուղի հովվի հետ՝ ԵՄ-ին զեկուցելու, թե ինչպես է հակամարտությունն ազդում նրանց առօրյա կյանքի վրա»,-ասված է հայտարարությունում:
Հայաստանում ԵՄ քաղաքացիական առաքելությունից հավելել են, որ իրենք նպաստում է հայ-ադրբեջանական սահմանին մոտ ապրող բնակչության անվտանգության ապահովմանը:
