Քաղաքացի Արթուր Չախոյանը իր ֆեյսբուքյան էջում ուղիղ եթերի ժամանակ հայտնել է, որ երեք անձ իր տան մուտքի մոտ մահափորձ են իրականացրել իր դեմ։ Մեկ այլ տեսանյութում երևում է, որ նա բռնել է այդ անձանցից մեկին ու դիմում է ոստիկանին, որ ձերբակալի նրան, որի մոտ նաև, իր խոսքով, դանակ է հայտնաբերել։

Քննչական կոմիտեի մամուլի քարտուղար Գոռ Աբրահամյանը Infocom-ի հարցին ի պատասխան հայտնեց, որ ոստիկանությունից ստացել են հանցագործության մասին հաղորդումը, այժմ քննարկման փուլում է վարույթ նախաձեռնելու հիմքերի առկայության հարցը։