Կառավարությունը հաստատեց ԼՂ-ից բռնի տեղահանված անձանց ժամանակավոր պաշտպանության տակ վերցնելու, ժամանակավոր պաշտպանություն ստացած փախստականի անձը հաստատող փաստաթղթի նկարագիրը և դրա տրամադրման կարգը:
Ժամանակավոր պաշտպանության տակ են վերցվել՝
- ԼՂ բնակչության ռեգիստրի հաշվառումներով անցնող անձանց,
- Հայաստանի Հանրապետության տարածքում կամ Հայաստանի Հանրապետությունից դուրս գտնվող այն անձանց, որոնց վերջին հաշվառման հասցեն եղել է Լեռնային Ղարաբաղում,
- այն անձանց, որոնք չեն ունեցել հաշվառում Լեռնային Ղարաբաղի բնակչության ռեգիստրում, սակայն բնակվել են Լեռնային Ղարաբաղում և 2023 թվականի սեպտեմբերի 19-ից Ադրբեջանի կողմից Լեռնային Ղարաբաղի դեմ սանձազերծած ռազմական գործողությունների հետևանքով բռնի տեղահանվելուց հետո հաշվառվել են ՀՀ ներքին գործերի նախարարության միգրացիայի և քաղաքացիության ծառայության կողմից։
Նշված ժամանակավոր պաշտպանության տակ վերցված անձիք «Փախստականի և ապաստանի մասին» ՀՀ օրենքի 62-րդ հոդվածի 1-ին մասի ուժով ճանաչվում են փախստական:
Որոշմամբ սահմանվել է, որ որ ժամանակավոր պաշտպանությունը տրվում է մեկ տարի ժամկետով՝ երկարաձգման հնարավորությամբ։ Ժամկետի հաշվարկն սկսվում է սույն որոշումն ուժի մեջ մտնելու պահից։
Օտարերկրյա պետություններում գտնվող և ժամանակավոր պաշտպանության վերցված փախստականների փաստաթղթավորումն կիրականացվի ՆԳՆ միգրացիայի և քաղաքացիության ծառայության միջոցով։
