armeniasputnik.am: Հայաստանն ու Ադրբեջանը քաղաքական կամքի առկայության դեպքում կարող են օպերատիվ համաձայնեցնել հաղորդակցությունների ապաշրջափակումը: Այս մասին ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան:
Նա նշել է, որ Հայաստանի, Ադրբեջանի և ՌԴ փոխվարչապետների նախագահությամբ տրանսպորտային հաղորդակցությունների ապաշրջափակման եռակողմ աշխատանքային խմբի շրջանակում էական առաջընթաց է գրանցվել:
«Կարծում ենք, որ եռակողմ խմբի շրջանակում պայմանավորվածություններ ձեռք բերելու հետագա ձգձգումը տարածաշրջանի երկրների, այդ թվում` Հայաստանի շահերի դեմ կաշխատի»,-ասել է ռուսաստանցի դիվանագետը։
