civilnet.am: Միացյալ Նահանգները մտահոգություն է հայտնել Հայաստանի և Ադրբեջանի զինվորականների միջև բախումների կապակցությամբ: Այդ մասին փետրվարի 13-ին կայացած ճեպազրույցի ժամանակ հայտարարել է ԱՄՆ Պետդեպարտամենտի խոսնակ Մեթյու Միլլերը։
«Մենք մեր խորին ցավակցությունն ենք հայտնում զոհվածների և վիրավորների ընտանիքներին։ Ուժի կիրառումը խաթարում է բանակցությունները։ Հրադադարի ցանկացած խախտում պետք է հետաքննվի։ Կայուն խաղաղության միակ ճանապարհը բանակցությունների սեղանի շուրջ նստելն է։ Ինչպես շարունակաբար շեշտում է պետքարտուղարը, Միացյալ Նահանգները հավատարիմ է Հայաստան-Ադրբեջան խաղաղ բանակցություններին»,- ասել է Միլլերը։
Փետրվարի 13-ին Ադրբեջանի զինված ուժերի ստորաբաժանումները հրաձգային զենքերից կրակ էին բացել Ներքին Հանդի հատվածում տեղակայված հայկական դիրքերի ուղղությամբ, ինչի հետևանքով հայկական կողմն ունեցել է 4 զոհ և 1 վիրավոր։ Փետրվարի 12-ին Ադրբեջանը հաղորդել էր մեկ զինծառայողի վիրավորման մասին։ Հայկական կողմը հայտարարել էր, որ կհետաքննի հայ դիրքապահների կողմից կրակ բացելու մասին տեղեկությունը։
