azatutyun.am: ԱՄՆ-ը Ռուսաստանի նախագահ Վլադիմիր Պուտինի երդմնակալությանը ներկայացուցիչ չի ունենա, ամենօրյա ճեպազրույցի ժամանակ հայտարարել է ԱՄՆ պետդեպարտամենտի խոսնակ Մեթյու Միլլերը։
Հարցին, թե Վաշինգտոնը բոյկոտո՞ւմ է, Միլլերը պատասխանել է․ – «Մենք այնտեղ ներկայացուցիչ չենք ունենա: Իսկ եզրակացությունները թողնում ենք ձեզ»։
Արդյո՞ք դա նշանակում է, որ Վաշինգտոնը Պուտինին լեգիտիմ նախագահ չի՞ համարում, ԱՄՆ պետդեպարտամենտի խոսնակը պատասխանել է, որ ԱՄՆ-ը այդ ընտրություններն ազատ և արդար չի համարում, բայց Պուտինը Ռուսաստանի նախագահն է և պատրաստվում է շարունակել իր պաշտոնավարումը։
Պուտինի երդմնակալությունը տեղի է ունենալու այսօր։ Երեկ Պուտինի օգնական Յուրի Ուշակովը հայտարարել է, որ օտարերկրյա պետությունների ղեկավարներին հրավերներ չեն ուղարկվել։ Հրավիրված են Մոսկվայում հավատարմագրված բոլոր դիվանագիտական ներկայացուցչությունների ղեկավարները։
