factor.am: Բողոքի ակցիաների ընթացքում այսօր Երևանում բերման ենթարկված բոլոր քաղաքացիները ազատ են արձակվել։ Տեղեկությունը Factor.am-ի հետ զրույցում հայտնեց ՆԳՆ խոսնակ Նարեկ Սարգսյանը։ Վերջին տվյալներով ոստիկանության բաժիններ բերման էր ենթարկվել 151 քաղաքացի։

ՆԳՆ-ից հայտնել էին, որ քաղաքացիները բերման են ենթարկվել ոստիկանության օրինական պահանջը չկատարելու հիմքով։

Հիշեցնենք, որ վաղ առավոտից մայրաքաղաքի տարբեր հատվածներում անհնազանդության ակցիաներ են։ Քաղաքացիները փակում են տարբեր փողոցներ, որոնք ոստիկանական ծառայողների կողմից հիմնականում բացվում են՝ երբեմն քաղաքացիներին բերման ենթարկելով։