Կառավարության այսօրվա ժամը 11:00-ի նիստը կտեղափոխվի ուրբաթ՝ հունիսի 14-ին: Այս մասին տեղեկանում ենք կառավարությունից:
«Վարչապետ Նիկոլ Փաշինյանն այսօր Ազգային ժողովում ներկա է գտնվելու 2023 թ. պետբյուջեի կատարման տարեկան հաշվետվության քննարկմանը, որի ընթացքում հանդես է գալու եզրափակիչ ելույթով:
Ուստի՝ ինչպես սովորոբար արվում է, այս անգամ նույնպես Կառավարության այսօրվա ժամը 11:00-ի նիստը կտեղափոխվի ուրբաթ՝ հունիսի 14-ին: Նիստի ժամը լրացուցիչ կտեղեկացվի»,- հայտնել են Կառավարությունից:
Նշենք, որ երեկ Բագրատ Սրբազանը հայտարարել էր, որ կառավարության նիստի ժամը տեղափոխել են ժամը 9-ին եւ կոչ էր արել իր կողմնակիցներին հավաքվել կառավարության շենքի մոտ:
Հավելենք, որ ՀՀ կառավարության հերթական նիստերը մեկնարկում են ամեն հինգշաբթի՝ ժամը 11։00-ին։ Օրվա և ժամի փոփոխության վերաբերյալ մինչ առավոտ հաղորդագրություն չի տարածվել։
Նշենք նաև, որ քաղաքացիները վաղ առավոտից Բագրատ Սրբազանի առաջնորդությամբ ՀՀ կառավարության շենքի դիմաց են։ Շենքի բոլոր մուտքերի դիմաց ոստիկանները պատեր են կազմել։
