Արթուր Ալեքսանյանն ու Մալխաս Ամոյանը կիսաեզրափակչում են։
Փարիզում անցկացվող 33-րդ ամառային Օլիմպիական խաղերում հունահռոմեական ոճի ըմբշամարտի Հայաստանի ներկայացուցիչ, աշխարհի չեմպիոն, Եվրոպայի եռակի չեմպիոն Մալխաս Ամոյանը հաղթեց Իրանի ներկայացուցիչ Ամին Քավիանինեժադին և դուրս եկավ կիսաեզրափակիչ:
Հայաստանի ըմբշամարտի հավաքականի անդամ, ՕԽ ոսկե, արծաթե և բրոնզե մեդալակիր, աշխարհի քառակի և Եվրոպայի 7-ակի չեմպիոն Արթուր Ալեքսանյանը ևս դուրս եկավ կիսաեզրափակիչ՝ 9-5 հաշվով հաղթելով Ուզբեկստանը ներկայացնող Ռուստամ Ասակալովին։
