news.am: Բաքվում պահվող հայ գերիների ու անհետ կորածների հարազատները բողոքի ակցիա են անում ՄԱԿ–ի հայաստանյան գրասենյակի դիմաց։ Նրանք պահանջում են վերադարձնել իրենց զավակներին՝ նշելով, որ չեն հավատում ԴՆԹ-ի պատասխաններին։
«Անհետ կորածներին գտեք, կեղծ ԴՆԹ-ներ են մեզ տվել, մեզ խաբել են։ Չի կարող ծնողն այնքան ստոր լինել, որ իմանա՝ իր երեխան է, ու թողնի դիահերձարանում։ Կանգնեք մեր կողքին։ Մեր երեխեքը նաև ձեր համար են այնտեղ»,- ասաց անհետ կորածի հարազատը։
