ՀՅԴ Հայաստանի ԳՄ անդամ Գերասիմ Վարդանյանի նկատմամբ կիրառված տնային կալանք խափանման միջոցը վերացվեց։ Այդ մասին հայտնել է նրա պաշտպան Սերգեյ Հարությունյանը։
«Դրական եմ համարում դատարանի որոշումը, հուսադրող է և գործը, որպես այդպիսին, շինծու է»,- նշել է նա։
Գերասիմ Վարդանյանի նկատմամբ խափանման միջոց էր ընտրվել կալանքը՝ «ցույցերին մասնակցելու համար 5000-ական դրամներ բաժանելու» գործով։ Ձայնագրությունը մամուլում էր տարածվել, իսկ Վարդանյանի պաշտպանները պնդում էին, որ փաստական ապացույց չկա այդ մասին։
Ավելի ուշ՝ հոկտեմբերին, Վարդանյանի կալանքը դատարանը փոխեց տնային կալանքով և սահմանեց 2 մլն դրամ գրավ:
