shantnews.am: Ռուսաստանի Դաշնությունը չի մտածում ԱՄՆ-ի հետ պատերազմի մասին, նման պատերազմը կարող է միջուկային բնույթ ունենալ, Մոսկվայի համար գլխավորը դրանից խուսափելն է, ասել է ՌԴ արտգործնախարար Սերգեյ Լավրովը։
«Մենք չենք մտածում ԱՄՆ-ի հետ պատերազմի մասին, որը կարող է միջուկային բնույթ ունենալ։ Մեր ռազմական դոկտրինում ասվում է, որ ամենակարևորը միջուկային պատերազմից խուսափելն է», – ասել է նախարարը լրագրող Թակեր Կառլսոնին տված հարցազրույցում:
Նա նշել է, որ 2022 թվականի հունվարին Ռուսաստանի Դաշնությունը նախաձեռնել է ՄԱԿ-ի Անվտանգության խորհրդի հինգ մշտական անդամների (Ռուսաստան, Չինաստան , ԱՄՆ, Ֆրանսիա , Մեծ Բրիտանիա) ղեկավարների համատեղ հայտարարությունը, որում ասվում է, որ այդ երկրներն ամեն ինչ անելու են առճակատումից խուսափելու համար։
