news.am: Գերմանիայի ռազմաօդային ուժերի կործանիչները օդ են բարձրացել Բալթիկ ծովի վրա օդային տարածքում ռուսական Իլ-20 ինքնաթիռի հայտնվելու պատճառով։ Այս մասին հայտնել է DPA-ն՝ հղում անելով Գերմանիայի զինված ուժերի ներկայացուցչին։

Գործակալությունը շեշտում է, որ երկու Eurofighter կործանիչներ օդ են բարձրացել Գերմանիայի հյուսիսում գտնվող Լաագեի ավիաբազայից։ Գերմանիան պնդում է, որ ռուսական Իլ-20 ինքնաթիռը թռչում էր միջազգային օդային տարածքում՝ անջատված տրանսպոնդերներով և ռադիոկապ չէր հաստատել։

Պարբերականը նշում է, որ սա 2025 թվականին վեցերորդ անգամն է, որ Բեռլինը օդ է բարձրացրել իր կործանիչները՝ ռուսական ինքնաթիռների հայտնվելու պատճառով։