factor.am ՄԱԿ-ը հուսով է, որ Հայաստանում իրավիճակը կկարգավորվի պատշաճ գործընթացի շրջանակում։ Այս մասին ճեպազրույցում հայտարարել է ՄԱԿ-ի գլխավոր քարտուղարի մամուլի խոսնակ Ստեֆան Դյուժարիկը։
«Մենք տեսնում ենք որոշակի իրադարձություններ Հայաստանում և հուսով ենք, որ իրավիճակը կկարգավորվի պատշաճ գործընթացի շրջանակում»,- ասել է Դյուժարիկը՝ անդրադառնալով հայ հոգևորականների և Հայ առաքելական եկեղեցու նկատմամբ ճնշումների վերաբերյալ հարցին։
Ավելի վաղ էլ Եկեղեցիների համաշխարհային խորհուրդն էր հայտարարություն տարածել՝ խորը մտահոգություն հայտնելով Մայր Աթոռում իրավապահների գործողությունների և հոգևորականների ձերբակալությունների կապակցությամբ։
