1lurer.am Ուկրաինայի վարչապետ Դենիս Շմիհալը հրաժարական է ներկայացրել: Վլադիմիր Զելենսկին Գերագույն Ռադային առաջարկել է Շմիհալին նշանակել պաշտպանության նախարարի պաշտոնում։
«Դենիս Շմիհալի վիթխարի փորձը, անշուշտ, օգտակար կլինի Ուկրաինայի պաշտպանության նախարարի պաշտոնում: Հենց այս ոլորտում են այժմ կենտրոնացած երկրի առավելագույն ռեսուրսները, առավելագույն խնդիրները և շատ մեծ պատասխանատվություն։ Ակնկալում եմ ժողովրդական պատգամավորների բավարար աջակցությունը Ուկրաինայի կառավարության նոր դասավորությանը»,- նշել է Զելենսկին։
Շմիհալը շնորհակալություն է հայտնել Ուկրաինայի նախագահին վստահության համար:
Կառավարության ղեկավարի պաշտոնը Զելենսկին առաջարկել է փոխվարչապետ Յուլյա Սվիրիդենկոյին։
