«…2020 թվականի հոկտեմբերի 20 մեր համածառայողներից Գևորգ Նահապետյանը՝ Գիվին, ասեց, որ հավաքվենք պոլկի լսարանում, գեներալ Անդրանիկ Մարգարյանը պետք է գա և ցուցումներ տա մեզ, թե վաղը սպասվելիք գործողության ժամանակ ինչ պետք է անենք։ Գիվին ասեց, որ վաղը Զանգելանում պետք է սանրենք տարածք․ մի 10–18թուրք են մնացել։ Պետք է իջնեինք Կիրի հանքում, ոտքով առաջանայինք, հայտնաբերեինք նրանց և զեկուցեինք ։ Մենք ասեցինք՝ ինչու գեներալ Մակարյանը չգիտի՞, որ մենք հետախույզներ չենք, այլ հրետանավոր էինք, ո՞նց նրանց հետ կռիվ անենք, Գիվին էլ ասեց, որ դրա անհրաժեշտությունը չկա, պիտի հայտնաբերեք ու զեկուցեք։ Ասեց, որ եղել է Անդրանիկ Մակարյանի մոտ և նրա խոսքերն է փոխանցում։ Հետո ասեց, որ մենք կամավորության սկզբունքով ենք մասնակցելու, որևէ պտադրանք չկա։ Դրանից հետո ես, ու էլկի տղաներ, Գիվին էլ մեզ հետ ցանկություն հայտնեցինք մասնակցել այդ օպերացիային։ Բաժանվել ենք 2 խմբի` 12-հոգանոց և 11-հոգանոց, որից հետո մեր 12-հոգանոց խմբի, այսպես ասած, ավագը հանդիսացավ Լյուդվիգ Հայրապետյանը, իսկ մյուս խմբինը` Գիվին․․․2020 թվականի հոկտեմբերի 21-ի լուսադեմին՝ ժամը 06։00-ի սահմաններում, եկավ նաև ՀՀ ԶՈՒ ԳՇ պետի տեղակալ, գեներալ-լեյտենանտ Անդրանիկ Մակարյանը և ասաց, որ ինքն անձամբ է մասնակցելու գործողությանը։ Պետք է հայտնաբերենք և զեկուցենք այդ մասին, որից հետո ստանանք առաջադրանք հետագա գործողությունների մասին։ Մեր առջև խնդիր դրվեց իջնել Կիրի հանքում։ Այնտեղ մեզ կմիանան տեղանքին ծանոթ 2-3 հոգի, որոնցից կստանանք ռացիաներ և կհետախուզենք, կհայտնաբերեինք հակառակորդի ուժերին, այդ մասին կզեկուցենք, ու նոր միայն Արսեն Աբգյանի գլխավորած քիմիկների խումբը կառաջանար և կկատարեր իր առջև դրված խնդիրները։Դրանից հետո նստել ենք Արսեն Աբգարյանի խմբի հետ շարժվող 3 ավտոբուսները եւ շարժվել․․․ Քիչ անց, երբ արդեն հասել էինք Զանգելան, սարի վրա մարդ նկատելով՝ Դավիթը գոռաց, սարի վրա գտնվողներն աստիճանաբար շատացան, նույնիսկ մի պահ եկավ, որ մարտը, շատ մոտ տարածությունից էր տեղի ունենում․․․ Մենք, մարտ վարելով, դուրս եկանք դեպի փոքր Զանգելյանի ուղղությամբ, իսկ ընթացքում կրակ ենք վարել հակառակորդի ուղղությամբ։ Մի խոսքով 62 հոգուս կարողացան տակից դուրս գալ 22 հոգի, իսկ 40–ը գերեվարվեցին, ինչպես նաև ավտոբուսի վարորդներից 1-ը»։