ՀԷՑ գլխավոր տնօրենի տեղակալ Դավիթ Ղազինյանը «ձև չունի մնալու»: Այս մասին աշխատանքի գնալիս լրագրողներին ասաց ՀԷՑ-ի ժամանակավոր կառավարիչ Ռոմանոս Պետրոսյանը՝ խոսելով աշխատակիցների հնարավոր ազատումների մասին:
Պետրոսյանն ընդգծեց, որ մասսայական ազատումներ չեն նախատեսվում:
«Ազատումներ կլինեն թոփ մենեջմենթի շրջանակներում, կոնկրետ անձինք, որոնց ղեկավարման արդյունքում «ՀԷՑ» ընկերությունը, որը ավելի քան 3 միլիոն բնակչի կյանքի որակի վրա ուղղակիորեն ազդեցություն, շուրջ 1.1 միլիոն պաշտոնական բաժանորդ ունի, հասցրել են այս վիճակին, որ պետությունը ստիպված է կանխարգելիչ միջոցներ ձեռնարկել»:
Միաժամանակ Ռոմանոս Պետրոսյանը հորդորեց նաև, որ ընկերության մասնագետ աշխատակիցները իրենց աշխատանքն իրակացնեն «պատշաճ»:
