1lurer.am Իրանի արտաքին գործերի նախարարության խոսնակ Էսմայիլ Բաղաեին ճեպազրույցի ժամանակ մեկնաբանել է Ադրբեջանի նախագահ Իլհամ Ալիևի հայտարարությունները:
«Մենք աջակցում ենք տարածաշրջանի երկրների միջև համագործակցության ընդլայնմանը, բայց միշտ ընդգծել ենք, որ այդ գործողությունները, երթուղիների ստեղծումը նույնիսկ մեկ միլիմետրով չպետք է խախտեն որևէ երկրի ինքնիշխանությունը, նրա տարածքային ամբողջականությունը և միջազգայնորեն ճանաչված սահմանները կամ հանգեցնեն տարածաշրջանի աշխարհաքաղաքականության փոփոխության»,- հայտարարել է Բաղաեին։ Նա ընդգծել է, որ որոշ դեպքերում, կովկասյան տարածաշրջանի մյուս երկրների պաշտոնյաների հայտարարությունները կարող են սխալ մեկնաբանվել։ Սակայն Իրանի դիրքորոշումը հստակ է, և այն բազմիցս ներկայացվել է:
Հիշեցնենք՝ Իլհամ Ալիևը հայտարարել էր, թե «Ադրբեջանի քաղաքացին, ուղևորվելով Նախիջևան, չպետք է հանդիպի հայկական սահմանապահների հետ» և պետք է լինի «անխոչընդոտ ու անվտանգ անցում Ադրբեջանի մի հատվածից դեպի մյուսը»։
