civilnet.am 2025-ի առաջին կիսամյակի տվյալներով Հայաստանի 1000 խոշոր հարկատուների ցուցակը գլխավորում է բջջային հեռախոսների և էլեկտրոնիկայի վաճառքով զբաղվող «Մոբայլ Սենթր Արթ» ընկերությունը։ Այս մասին տեղեկանում ենք Պետական եկամուտների կոմիտեի հրապարակած նոր հաշվետվությունից։
«Մոբայլ Սենթր Արթ»–ը պետական բյուջե է վճարել շուրջ 33 մլրդ դրամ։ 2-րդ տեղում «Գազպրոմ Արմենիա»-ն է՝ ավելի քան 32 մլրդ դրամով, 3-րդում՝ «Գրանդ Տոբակո»-ն՝ ավելի քան 28 մլրդ դրամով։
«Արդշինբանկը» և «Ամերիաբանկը» զբաղեցնում են համապատասխանաբար 4-րդ և 5-րդ հորիզոնականները՝ 28 մլրդ դրամ 21,5 մլրդ դրամ վճարած հարկերով։
Զանգեզուրի պղնձամոլիբդենային կոմբինատը (ԶՊՄԿ) 6-րդն է։ ԶՊՄԿ-ն խոշոր հարկատուների ցանկը գլխավորում էր երեք տարի շարունակ։
1000 խոշոր հարկ վճարողների կողմից 2025-ի հունվար-հունիս ամիսների ընթացքում պետական բյուջե ընդհանուր առմամբ վճարվել է ավելի քան 986 մլրդ դրամ, ինչը մոտ 86 մլրդ դրամով ավելի է նախորդ տարվա նույն ժամանակահատվածի համեմատ։
Հարկային մարմին կատարված վճարումների գումարը կազմել է ավելի քան 819 մլրդ դրամ, ինչը 53 մլրդ-ով ավելի է նախորդ տարվա նույն ժամանակահատվածի համեմատ։
