armenpress.am Ամերիկայի Միացյալ Նահանգների նախագահ Դոնալդ Թրամփն իր Truth Social հարթակում կատարած գրառման միջոցով անդրադարձել է Սթիվ Ուիթքոֆի և Վլադիմիր Պուտինի հանդիպմանն՝ այն անվանելով արդյունավետ։
«Իմ հատուկ բանագնաց Սթիվ Ուիթքոֆը քիչ առաջ շատ արդյունավետ հանդիպում է ունեցել Ռուսաստանի նախագահ Վլադիմիր Պուտինի հետ։ Մեծ առաջընթաց է գրանցվել»,- գրել է ԱՄՆ նախագահը։
Թրամփը հանդիպումից հետո զրուցել է եվրոպացի մի քանի դաշնակիցների հետ և նրանց տեղեկացրել հանդիպման ընթացքի մասին։
«Դրանից հետո ես խոսել եմ եվրոպացի մեր որոշ դաշնակիցների հետ։ Բոլորը համաձայն են, որ այս պատերազմը պետք է ավարտվի, և առաջիկա օրերին ու շաբաթներին մենք կաշխատենք այդ ուղղությամբ»,- գրառումը եզրափակել է նա։
Կրեմլում Պուտինի և Ուիթքոֆի հանդիպումը նույնպես օգտակար և կառուցողական են անվանել։
