Օգոստոսի 7-ին՝ ժամը 03։11-ին, Ճգնաժամային կառավարման ազգային կենտրոն տեղեկություն է ստացվել, որ Երևան քաղաքի Աճառյան փողոցում տեղի է ունեցել ՃՏՊ:
Այս մասին տեղեկացրել է ՆԳՆ փրկարար ծառայությունը:
Դեպքի վայր է մեկնել ՆԳՆ ՓԾ Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը:
Պարզվել է, որ բախվել են «Dodge» և «Nissan» մակնիշների ավտոմեքենաները:
Փրկարարները փակել են «Nissan» մակնիշի ավտոմեքենայի գազի բալոնի փականը, հոսանքազրկել «Dodge» մակնիշի ավտոմեքենան և չորս ուղևորի մոտեցրել շտապօգնությանը․ տուժածները հոսպիտալացվել են բժշկական կենտրոններ:
