factor.am  Վրաստանի Ներքին գործերի նախարարության միգրացիայի դեպարտամենտի կողմից վերջին օրերին ձեռնարկված համալիր միջոցառումների շրջանակում, երկրից արտաքսվել է 34 օտարերկրյա քաղաքացի, գրում է Գրուզիա օնլայնը։

Հաղորդվում է, որ երկրից արտաքսվել են, մասնավորապես, Հնդկաստանի, Ռուսաստանի, Նիգերիայի, Իրանի, Եգիպտոսի, Ադրբեջանի, Թուրքմենստանի, Պակիստանի, Քենիայի, Հայաստանի և Ղրղզստանի քաղաքացիներ, ընդհանուր առմամբ, 34 մարդ։

Գործող օրենսդրության համաձայն՝ արտաքսված անձանց արգելվում է մուտք գործել երկիր։