arm.sputniknews.ru Ղրղզստանի Չոլպոն Աթա քաղաքում մեկնարկել է ԵԱՏՄ միջկառավարական խորհրդի նիստը։

ԵԱՏՄ «հնգյակի» կառավարությունների ղեկավարները կքննարկեն առևտրի, մաքսային վարչարարության, տրանսպորտային ենթակառուցվածքների զարգացման, նավթի և գազի ընդհանուր շուկաների ձևավորման, դեղերի և բժշկական ապրանքների շուկաների զարգացման և այլնի հարցեր։

Հանդիպմանը Հայաստանը ներկայացնում է փոխվարչապետ Մհեր Գրիգորյանը։

Նիստին մասնակցում են նաև դիտորդ երկրների՝ Ուզբեկստանի, Կուբայի և Իրանի ներկայացուցիչները։

Եվրասիական տնտեսական միությունը միջազգային ինտեգրացիոն տնտեսական միավորում է, որը գործում է 2015 թվականի հունվարի 1-ից։ Միության անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։