Շաբաթ երեկոյան Սերբիայի մի քանի քաղաքներում շարունակվել են բախումները ոստիկանության և նախագահ Ալեքսանդար Վուչիչի հրաժարականը պահանջող ցուցարարների միջև։ Վալևո քաղաքում բողոքողների մի խումբ հրկիզել է իշխող Սերբական առաջադիմական կուսակցության գրասենյակը։ Ոստիկանությունը կիրառել է արցունքաբեր գազ, իսկ ցուցարարները պատասխանել են հրավառություններով, փոխանցում է BBC-ի ռուսական ծառայությունը։
Բախումներ են տեղի ունեցել Սերբիայի մի քանի քաղաքներում՝ Վալևոյում, մայրաքաղաք Բելգրադում և երկրի երկրորդ խոշոր քաղաք Նովի Սադում։
Սերբիայի ոստիկանությունը հայտնել է, որ գիշերը բաժանմունքներ է բերվել 56 մարդ, որոնցից 16-ը ձերբակալվել են։ Վեց ոստիկան ստացել է թեթև մարմնական վնասվածքներ։
Սերբիայի ընդդիմությունը՝ ուսանողական կազմակերպությունների գլխավորությամբ, արդեն ինը ամիս է՝ բողոքի ակցիաներ է անցկացնում։ Դրանք սկսվել են այն բանից հետո, երբ նոյեմբերի 1-ին Նովի Սադի կայարանում փլվել էր երկաթբետոնե տանիքը, ինչը հանգեցրել է 16 մարդու մահվան։
Ցուցարարները պահանջում են պատժել այդ ողբերգության պատասխանատուներին, խստացնել կոռուպցիայի դեմ պայքարը, ինչպես նաև անցկացնել արտահերթ ընտրություններ։
Շարունակությունը՝ սկզբնաղբյուր կայքում։
