Օգոստոսի 19-ից մեկնարկելու է Կորեայի ձորի ճանապարհի հիմնանորոգումը։ Այս մասին հաղորդում է «Ճանապարհային դեպարտամենտ» հիմնադրամը:
Հաղորդագրության համաձայն՝ իրականացվելու են հողային, ճանապարհի լայնացման աշխատանքներ։
«Նշված աշխատանքներով պայմանավորված, ինչպես նաև հաշվի առնելով քարաթափման վտանգը՝ օգոստոսի 19-ից ճանապարհը ժամանակավորապես փակ կլինի երթևեկության համար»,- ասվում է հայտարարության մեջ:
«Ճանապարհային դեպարտամենտ» հիմնադրամից վարորդներին հորդորում են շրջանցել նշված ճանապարհը։ Երթևեկությունը կկազմակերպվի ըստ ՆԳՆ հետ համաձայնեցված սխեմայի։
